Кој е Александар? Зошто се одлучи токму за Официјалната ISTQB Академија за Software Testing на Семос Едукација?
Јас сум дипломиран економист со повеќегодишно работно искуство во банка кое ми даде можност за развој на моите комуникациски вештини и работа во тим, а од особена важност беше аналитичноста при обработката на податоци и ефикасното решавање на проблеми. Кога одлучив да ја променам професијата и да се обидам да започнам кариера во IT индустријата, проверив кој дел од оваа индустрија би бил најблизок до моето искуство и се пронајдов во Software Testing. Ги анализирав програмите на повеќе академии и се одлучив за Академијата за Software Testing на Семос Едукација бидејќи ми се допадна програмата, како и можноста за стекнување на ISTQB сертификати.
Како завршниот проект ти помага во остварување на твојата цел и преземање на следниот чекор во твојата кариера?
Завршниот проект ми овозможи да ги искористам стекнатите знаења и вештини во реална ситуација. Предизвиците со кои се соочив во текот на изработката на проектот, како и решенијата до кои дојдов во овој процес, сметам дека се дополнително вредно искуство. Овој проект ќе биде дел од моето портфолио како потврда за стекнатите способности и вештини пред потенцијалните работодавци.
Што би им препорачал на оние кои се уште се двоумат за отпочнување на кариера во Software testing индустријата?
Мислам дека Software testing-от може да биде одличен избор за сите оние кои уживаат во решавање на проблеми, се аналитични и имаат око за детали, без оглед на нивното претходно искуство и образование. Бара посветеност и континуирано учење за да се биде во тек со технолошките трендови, а нуди можност за понатамошен развој и специјализација. Оваа Академија дефинитивно помага полесно да се совладаат потребните вештини за мануелно и автоматско тестирање."
