Кажи ни нешто за себе, кој е Андреј и како започна твојата Семос приказна?
Мојата приказна со Семос Академија започна во 2023 година, кога решив сериозно да ја следам мојата страст за графички дизајн. Во тој период бев во потрага по можност која ќе ми овозможи да ја развијам мојата креативност и вештини, а по многу истражувања, сфатив дека Семос Академија е вистинскиот избор. Тука добив еден нов пристап кон дизајнот и создавањето, кој целосно ме освои. Академијата ми овозможи не само да ги усовршам постоечките вештини, туку и да стекнам нови, со кои започнав да се развивам како професионалец.
Што најмногу ти остави впечаток од академијата за Графички дизајн?
Како човек кој отсекогаш ужива во уметноста, чувствував дека можам да ја изразам мојата визија преку графичкиот дизајн, но тоа што навистина ми остави траен впечаток во Семос Академија е искрената и несебична поддршка од нашите предавачи. Тие беа тука за нас на секој чекор – подготвени да помогнат, инспирираат и да не насочат. Предавачите не само што ни пренесоа квалитетни знаења, туку и ни помогнаа да ја развиеме нашата самодоверба, знаејќи дека сме подготвени за секој предизвик. Нивниот труд и посветеност, заедно со високото ниво на едукација, беа клучот за моето професионално созревање во графичкиот дизајн.
Колку академијата ти помогна во твоето професионално развивање?
Академијата за графички дизајн не само што ми ги отвори вратите кон професионален развој, туку ми помогна и да ги структурирам своите идеи и инспирации. Научив како моите понекогаш смели и невообичаени идеи да ги преточам во еден финален производ кој не само што ќе ме задоволи мене, туку и ќе одговара на потребите на клиентите и публиката. Семос ми помогна да ги развијам вештините за анализа, прецизност и естетска композција, вештини кои претходно не сум ни замислувал дека ќе ги користам. Благодарение на овие нови знаења и практични алатки, чувствувам дека сум подготвен за професионалните предизвици кои претстојат.
Која е твојата порака до идните студенти на Семос Едукација?
На сите идни студенти кои се заинтересирани за графички дизајн, или било која друга област, од срце им ја препорачувам Семос Академија. Оваа академија не нуди само знаење, туку и вистинска поддршка, искуство и водство кое ќе ве подготви за светот на професионалниот живот. Семос Едукација е место каде што ќе научите многу повеќе од само теорија – ќе добиете практични вештини, менторство и можност за работа на реални проекти. Со стекнатата диплома ќе добиете силна основа и отворени врати за идни успеси, што ќе ви помогне да го изградите вашиот пат кон врвот.
