Чекорење по нов кариерен пат може да изгледа како голем предизвик, но за Дарко Кипријановски тоа беше можност да ја следи својата пасија кон технологијата. Неговата љубов кон компјутерите и желбата за нови знаења го насочија кон JavaScript академијата во Семос Едукација. Прочитајте ја неговата инспиративна приказна за тоа како со вистинската поддршка и посветеност него го мотивираат.
Кажи ни нешто за себе, кој е Дарко и како започна твојата СЕМОС приказна?
Здраво, јас сум Дарко , имам 29 години, моментално сум вработен како магацински работник. Иако сум ја немал шансата да имам факултетско искуство, отсекогаш сум бил заинтересиран за технологијата и работа со компјутери. Уште како дете уживав во истражување како работат компујтерите, па дури имам составено и свој компјутер. По многу истражување и размислување одлучив да се запишам во Семос Едукација затоа што ми дава можност да го учам она во кое уживам, а притоа да продолжам да работам. Особено бев заинтересиран за JavaScript академијата бидејќи ми помогна да се запознаам со основите на програмирањето и ми отвори нови хоризонти за професионален напредок.
Што најмногу ти остави впечаток од JavaScript академијата?
Најголем впечаток од JavaScript академијата ми остави прецизно-осмислената програма што содржи се што треба да знае еден почетник за web development. Академијата вклучува неделни вежби кои ни овозможија да ги усовршиме нашите вештини за решавање проблеми. Финалниот проект опфаќа се што изучивме низ целата година и е одличен начин да не подготви за понатамошната работа и новите предизвици. Предавачите беа доста ангажирани, секогаш беа достапни да ни помогнат и да дадат насоки ако има некој проблем или нешто нејасно.
Колку академијата ти помогна во твоето професионално развивање?
Ја започнав академијата без никакво предзнаење за web development. Иако сум во последните фази на равивањето на финалниот проект, мислам дека академијата и предавачите ме поткрепија со знаење за алатки што се високо-барани на работните позиции во оваа поле.
Која е твојата порака до идните студенти на СЕМОС?
Би ги посоветувал да не се двоумат долго време околу запишувањето на академијата, без разлика дали имаат (или немаат!) некакво знаење околу програмирањето. Исто така им препорачувам да одвојат време и да се посветат на академијата, да го искористат секој момент од учењето и да не се воздржуваат од поставување прашања на предавачите. Најважно од се да не се откажувате без разлика колку и да е тешко или комплицирано со ваша посветеност и поддршката од Семос Едукација, секој може да успее!
Дарко е доказ дека со вистинскиот пристап и мотивација, секој може да влезе во светот на ИТ, без разлика на претходното искуство. Ако и вие размислувате за промена на кариера или сакате да научите вештини кои отвораат врати кон нови можности, JavaScript академијата во Семос Едукација е вистинското место за вас.
Запознај се со искуствата на нашите Rising Stars, и одбери академија која најдобро одговара на твоите амбиции и интереси.
