Кажи ни нешто за себе, која е Кети и како започна твојата Семос приказна?
Јас сум стоматолог со 15 години работно искуство.Кога ми се укажа можност да посветам време на личен развој, се одлучив за нешто ново и сосема различно од мојата досегашна професија. Така ја започнав мојата Семос приказна на JavaScript академијата, која се покажа како одличен избор за мене.
Што најмногу ти остави впечаток од JavaScript академијата?
Академијата за мене беше едно преубаво искуство. Најголем впечаток ми остави целокупната нејзина организација и професионализмот на предавачите. Тие не само што беа стручни и компетентни, туку и секогаш достапни да помогнат и да го олеснат процесот на учење. Нивната посветеност и поддршка значително придонесоа за моето успешно совладување на материјалот.
Колку академијата ти помогна во твоето професионално развивање?
Како почетник без апсолутно никакви предзнаења во оваа област, можам да кажам дека сум презадоволна од академијата. Таа ми овозможи да се стекнам со нови вештини и знаења,кои верувам дека ќе ми бидат од голема корист во иднина и ќе ми отворат нови можности.
Која е твојата порака до идните студенти на Семос Едукација?
Академијата претставува одлична можност за сите кои имаат желба да се развиваат во IT индустријата. Не се двоумете, пријавете се на некоја од Семос Академиите и искористете ја шансата да стекнете нови знаења и вештини кои ќе ви помогнат да изградите успешна кариера.
