„Кога средината те поддржува и те мотивира, растот доаѓа природно.“
Кристина Павлеска е студентка на Академијата за UX/UI дизајн во Семос Едукација. Таа е љубител на уметноста, создавањето и постојаното учење, а токму тие страсти ја доведоа до UX/UI дизајнот како професионална насока.
„Образовно доаѓам од преведувачката област, а професионално мојот пат се движеше од преведување и техничка поддршка до бизнис менаџерска улога во IT секторот. Тоа ми овозможи да ги согледам работните процеси од повеќе агли и да изградам силно чувство за комуникација, корисничко искуство и решавање проблеми, вештини кои денес природно ги применувам во UX/UI дизајнот,“ ни раскажува Кристина.
Со текот на времето, таа сфатила дека сака да премине во област каде креативноста и желбата за создавање се директно поврзани со технологијата и практичните решенија. UX/UI дизајнот го препозна како современа форма на креативно размислување, каде естетиката и функционалноста одат рака под рака и создаваат реална вредност.
„Одбрав да учам во Семос Едукација затоа што тука се нуди структуриран пристап, менторска поддршка и средина во која можам да се развивам со јасна цел.“
Која е твојата мотивација?
Нејзиното мото е инспиративно и едноставно:
„Љубопитноста и ентузијазмот не се нешта што со време исчезнуваат, туку нешта што свесно се негуваат и кои нè движат напред.“
Овој поттик ја води секој ден низ нови предизвици и проекти, со желба за учење, развој и креација.
Што најмногу ти остава впечаток од Академијата?
„Најголем впечаток ми остави професионализмот. Предавачите се искусни и знаат што прават, но уште поважно, знаат како ефективно да го пренесат своето знаење. Вистинскиот раст, според мене, се случува само кога средината е плодна и насочена кон студентот, а токму тоа го нуди Семос Едукација.“
Кристина додава дека прашањата и предизвиците се решаваат навремено, секој е достапен за поддршка, а атмосферата ја мотивира да вложи максимум, без непотребен притисок, но со јасни очекувања.
Како академијата ти помага во професионалниот развој?
„Академијата ми помага да ги развивам моите природни афинитети преку практични и конкретни вештини, под водство на искусни предавачи. Ми помага да размислувам подлабоко, поструктурирано и критички, што директно го подобрува квалитетот на мојата работа.“
Кристина ја опишува UX/UI дисциплината како процес кој не е само технички, туку и ментален, каде што креативното и аналитичкото размислување заедно создаваат функционални решенија.
Порака до идните студенти
„Растот започнува надвор од комфорната зона. Дозволете си да нурнете во процесот на учење и откривање нови светови, без двоумење околу одлуки кои ве движат напред интелектуално, професионално и технички. Но најважно од сè уживајте во процесот. Кога учењето е задоволство, резултатите доаѓаат природно. And don’t forget to rock ’n’ roll!“
Ако и ти сакаш да ја развиеш својата креативност, да создаваш решенија што носат вистинска вредност и да учиш од искусни ментори, Академијата за UX/UI дизајн во Семос Едукација е твојот идеален прв чекор.
