Симона Ширгоска Трајковска го претвори своето претходно искуство и пасија за работа со луѓе во нова професионална насока. Прочитај како Академијата за човечки ресурси ѝ помогна да го направи големиот чекор.
Кажи ни нешто за себе, која е Симона и како започна твојата СЕМОС приказна?
Симона е човек кој ужива во динамични средини, зависник од кафе и самопрогласен мастер за Ексел. Од самиот почеток на мојот кариерен развој, работните искуства ми беа тесно поврзани со работа со луѓе, од водење на статистики за вработени, креирање стратегии за управување со човечки капитал, до секојдневно решавање на предизвици од таа природа. Не бев свесна дека со една нога веќе сум навлезена во светот на човечките ресурси.
Академијата за човечки ресурси во Семос Едукација ми се чинеше како совршена можност за да си ги структурирам и продлабочам вештините за човечки ресурси кои веќе делумно ги поседував, а и верував дека академијата ќе ми помогне да си го определам својот кариерен пат во оваа област. И со гордост кажувам дека тоа беше една од најдобрите одлуки што сум ги донела!
Што најмногу ти остави впечаток од академијата за Човечки ресурси?
На прво место би ги издвоила предавачите и нивните исклучителни професионални и животни искуства. Мајстор(к)и во својот „занает“. Нивниот труд да ни ги доловат концептите на човечките ресурси преку практични примери и реални ситуации е непроценлив. Не секој има вештина, а и желба, да пренесува знаења и искуства на јасен и директен начин. Тука, секој модул беше интересен и интерактивен сам по себе, со примери и ситуации во кои можеш да си се замислиш и секогаш да научиш нешто ново.
Второто што ми остави голем впечаток беше групата и групните дискусии. Благодарна сум што картите на среќата ме споија со толку посветени и инспиративни луѓе. Споделените искуства беа како бесплатни совети и сесии за учење. Во тие неколку месеци што ги поминавме заедно, успевавме да се мотивираме, охрабруваме и да се надградуваме едни со други.
Колку академијата ти помогна во твоето професионално развивање?
Многу! Пред сѐ, ми ја даде самодовербата за сигурно да зачекорам во светот на човечки ресурси, а потоа и многу набрзо да си го најдам своето место под тоа сонце. Иднината за која сите сонуваат по завршувањето на академијата за мене стана реалност многу порано одошто си замислував. Сега, секојдневно го применувам сето она што го научив. Теоријата што ја слушав за време на модулите доби нова димензија преку практична примена и можам со сигурност да кажам дека сите модули од оваа академија се совршено склопени за понатаму да му служат на секој слушател. Ја имам таа привилегија да работам токму на обврски кои за време на предавањата можеби беа апстрактен поим за мене, но сега станаа клучни во мојата работа.
Која е твојата порака до идните студенти на СЕМОС?
За сите оние кои се двоумат, не размислувајте премногу. Впуштете се во предизвикот и искористете го максимумот од која и да е академија што ја нуди Семос Едукација. Усвојувањето на нови знаења и вложувањето во себе е најдоброто што можете да го направите за себе. А Семос Академиите се најдобриот избор за тоа.
И ти можеш да го направиш првиот чекор! Со Академијата за човечки ресурси ќе научиш како да ги искористиш твоите потенцијали и да изградиш стабилна кариера. Мартовските уписи се во тек, аплицирај сега и започни го своето професионално патување!
Запознај се со искуствата на нашите Rising Stars, и одбери академија која најдобро одговара на твоите амбиции и интереси.
