Здраво Викторија се радуваме што ја избра Семос Едукација за Python летната менторска програма. Што беше пресудно да се запишеш на оваа обука?
За да се запишам на оваа обука, првенствено бев поттикната од силниот интерес за програмирање со Python и желбата да ги подобрам моите вештини и знаења во областа. Репутацијата на Семос Едукација за квалитетна обука за Python и можноста за учење од искусни инструктори одиграа дополнителна значајна улога во мојата одлука. Секако не би сакала да ги изоставам и флексибилниот распоред и можноста да работам на реални проекти како клучни фактори при мојот избор на оваа програма.
Кои знаења и вештини ги стекна за време на програмата и дали ги применуваш?
Во текот на програмата се стекнав со многу знаења и вештини во Python. Стекнав длабоко разбирање за синтаксата на Python, функции, структурите на податоци и неговите примени во реалните проекти особено во контекст на работа со SQL бази на податоци како SQLite и MongoDB. Бидејќи моментално работам во маркетинг сектор, немам можност секојдневно да ги применувам сите новостекнати знаења, но се надевам дека во блиска иднина ќе имам можност своите знаења да ги преточам во некој успешен реален проект.
Кои се 3 работи кои ти оставија најголем впечаток за време на предавањата?
Тешко е да се издвојат само 3 највпечатливи работи од предавањата, но
би сакала да ги споменам најпријатните изненадувања во текот на
истите:
- Разновидноста на Python: Пред да започнам со детално изучување на Python, имав многу поинаква слика за можностите на Python и нивната примна во секојдневниот живот. Но, со тек на предавањата увидов всушност колкава е разновидноста на Python и неговиот широк опсег на примени, од развој на веб апликации до изучување на податоци. Ова ми ги отвори очите за бројните можности достапни за програмерите на Python.
- Практични примери и реалниот проект: Во текот на сите предавања изучувавме од голем број практични примери од реалниот свет кои секојдневно се користат. Со помош на практичните примери многу подобро ги разбирав работите и уште повеќе ги зацврстив моите знаења, а со тоа ми се отвори и можноста да почнам веднаш да го градам своето работно портфолио.
- Пријатна средина за учење и работа: Професорите ја прават средината за учење и работа многу пријатна. Не само профеорите туку и колегите се секогаш спремни да помогнат и да разјаснат се што е потребно. Ова, барем за мене беше од големо значење и допринесе за тоа што побрзо да влезам во тек со сите предавања и домашни, дури и кога од оправдани причини бев отсутна на некој час, благодарение на професорот и колегите не почуствував дека заостанувам со материјалот.
Каде се гледаш себеси во иднина и дали би ја препорачала програмата на идните студенти?
Во иднина се гледам себеси како работам на возбудливи проекти и придонесувам при креирање на креативни решенија за најразлични апликации/алатки. Вештините и знаењата што ги стекнав од програмата се клучни за постигнување на оваа цел. Топло им ја препорачувам програмата на студентите кои се заинтересирани за Python. Сеопфатната наставна програма, искусните инструктори и практичниот пристап кон учењето го прават Semos одличен избор за секој што сака да направи значителна промена во кариерата или да ги надополни или зацврсти своите знаења. Програмата ги подготвува студентите со знаењата и вештините што им се потребни за да се истакнат во областа, истовремено отворајќи им нов свет на можности.
