Зошто ја избра Семос Едукација?
Пред да се запишам, направив темелно истражување на сите едукативни центри што нудат програми од моја област. Се одлучив за Семос Едукација поради нивното реноме, долгогодишно искуство и висок квалитет на обуките. Дополнителна сигурност ми дадоа препораките од колеги и познаници кои веќе ги завршиле нивните програми.
Кажи ни нешто за себе. Која е Ивана?
Тешко е да се опише Ивана во една реченица, сепак тоа ќе го оставам на тие што ме познаваат да кажат нешто за мене. Скромност или не, во моментов не можам да одговорам на ова прашање. Можам само да кажам дека откривам нови аспекти за себе со секој нов предизвик и искуство.
Зошто се одлучи за Академијата за Дигитален Маркетинг?
Навистина долго се двоумев дали да се запишам на Академијата за вештачка интелигенција или на Академијата за дигитален маркетинг. Двете програми изгледаа привлечно и понудуваа големи можности за развој. Од една страна, вештачката интелигенција е возбудлива нова област со огромен потенцијал за иднината, но од друга страна, дигиталниот маркетинг е веќе поле во кое работам и со кое сум добро запознаена. На крајот, одлучив дека е важно да се фокусирам на тоа што ми е блиско и да ги надградам постоечките вештини, за да станам уште поконкурентен и посигурен во мојата професија. Сакав да го искористам најдоброто од она што веќе го знам и да го унапредам со нови техники, стратегии и алатки што ќе ми помогнат да постигнам уште поголеми резултати во дигиталниот маркетинг.
Како ти помага обуката во тоа што го работиш денес?
Обуката ми овозможи значително да ги надоградам моите вештини, особено во развивањето маркетинг стратегии и управувањето со дигитални кампањи. Сега имам појасен увид во најсовремените алатки и техники кои се користат за постигнување оптимални резултати. Ова искуство не само што ми го подобри разбирањето, туку и ми овозможи да бидам многу поефективна во постигнувањето на целите во дигиталниот маркетинг.
Која е твојата порака до идните студенти на Семос Едукација?
Не се двоумете да го надоградите вашето знаење и да го подигнете вашиот професионален раст на следното ниво. Со учење од искусни професионалци и следење на најновите трендови и технологии, ќе имате можност да стекнете практични вештини кои веднаш можете да ги примените. Ова не е само обука – туку инвестиција во вашата иднина која отвора нови врати до успехот и ви дава конкурентска предност на пазарот на труд. Добијте знаење што ќе ви помогне да напредувате и да ги реализирате вашите кариерни амбиции со поголема сигурност и самодоверба!
