Од Академија за Дигитален Маркетинг до вработување во AdValue
Што беше најголемиот „aha!“ момент додека учеше на Академијата за Дигитален Маркетинг во Семос Едукација?
„Најголемиот ‘aha!’ момент ми беше кога сфатив дека стратегијата е подеднакво важна како и креативноста. Дотогаш мислев дека е доволно да направиш убав визуал или да смислиш добар копи текст, ама не е баш така. Треба точно да знаеш кому се обраќаш, кога, зошто, и како.
Една едноставна Instagram објава што изгледа ‘спонтано’, всушност има голема подготовка зад себе. Од анализа на публика, до избор на зборови, боја, време на објава, сѐ тоа е дел од стратегија.“
Имаш ли некој „FAIL to FUN“ момент од учењето – нешто што изгледаше тешко, а сега ти е „интересно“ кога ќе се сетиш?
„Првиот пат кога се сретнав со Google Analytics! Тотален шок. Сè ми изгледаше како странски јазик: графици, метрики, сесии… ништо не ми беше јасно. Не сакам ни да се потсетам колку време и колку прашања ми требаа за да се снајдам.
А сега ми е интересно да гледам како луѓето се движат низ еден вебсајт.“
Како твоите пријатели реагираа кога им сподели дека почнуваш нова кариера?
„Беа прилично изненадени кога слушнаа дека правам таков пресврт, од безбедност во дигитален маркетинг. Не го очекуваа, но ми рекоа дека е храбро што сум решила да си го следам сонот, и искрено, тоа многу ми значеше, што ја имав нивната поддршка од самиот почеток.“
Кој е најнеочекуваниот совет што си го добила од менторите?
„Игнорирај го гласот што ти вели дека не знаеш доволно, ќе научиш по пат.
Често се преиспитуваме дали сме доволно подготвени, но вистината е дека никогаш не сме сосема спремни. Тој совет ми помогна да бидам похрабра и да се фрлам и во задачи што на прв поглед ми делуваа преголеми.“
Што би му препорачала на некој што сака да ја смени кариерата, но се двоуми?
„Би му рекла да проба. Не мора веднаш да се откаже од сè, туку да истражи или да разговара со луѓе од таа индустрија. Стравот е нормален, но најмногу се каеме за шансите што сме ги пропуштиле. И да, промената знае да биде тешка, но чувството дека работиш нешто што те прави среќен е незаменливо.“
Подготвен/а за промена?
И ти можеш да ја започнеш својата приказна.
Запиши се на Академијата за дигитален маркетинг и направи го првиот чекор кон професијата што ќе те исполнува.