Александар е еден од амбициозните студенти на JavaScript Академијата во Семос, кој ја започна својата кариера во технологијата со цел да ги открие тајните на веб апликациите. Во ова интервју, тој го споделува своето искуство и патувањето што го водеше кон изборот на оваа академија, и зошто ја препорачува на сите што сакаат да се развиваат во светот на технологијата.
Кажи ни нешто за себе, кој е Александар и како започна твојата СЕМОС приказна?
Здраво, јас сум Александар и имам завршено економски факултет, но мојот интерес секогаш беше насочен кон технологијата, особено кон веб апликациите и нивната функционалност. Како личност сум љубопитен, сакам предизвици и да решавам проблеми, сакам да учам и постојано да се надоградувам. Токму поради тоа одлучив да започнам академија која ќе ми помогне да стекнам нови вештини. Барав академија со квалитетна програма и така се одлучив за JavaScript Академијата на Семос, бидејќи ги исполнуваше сите мои барања.
Поради големиот интерес за оваа академија, не бев во можност да се запишам веднаш бидејќи сите места беа пополнети, па со нетрпение го очекував следниот уписен рок. За среќа, на социјалните мрежи забележав објава дека се доделуваат стипендии токму за JavaScript Академијата. По успешно поминатите тестирања, добив и стипендија. Така започна мојата приказна со Семос Едукација и JavaScript Академијата.
Што најмногу ти остави впечаток од академијата?
Она што најмногу ми остави впечаток беше одлично смислената и структурирана програма. Многубројните вежби помогнаа да се совладаат основите, да се промени начинот на пристап кон проблемите, и да се развие начинот на размислување. Завршниот реален проект, во кој се применуваат сите стекнати знаења, исто така беше многу важен за совладување на нови предизвици.
Посебно ми се допадна достапноста и ангажираноста на предавачите. Начинот на кој го пренесуваат своето знаење беше инспиративен. Секогаш беа подготвени да помогнат и да дадат насоки кога ќе се појави некој проблем или нешто нејасно. Исто така, тимот на Семос Едукација беше секогаш тука за нас, постојано го следеа нашиот прогрес и секогаш излегуваа во пресрет на студентите.
Колку академијата ти помогна во твоето професионално развивање?
Академијата ја започнав како почетник со желба да научам нешто ново и да ја задоволам мојата љубопитност за развој на веб апликации. Немав претходно знаење или искуство во веб девелопмент. Но, постепено, таа љубопитност се претвори во страст кон програмирањето, и почнав да ги разбирам функционалностите на веб апликациите.
Уште додека ги следев предавањата, успеав да создадам веб страница за компанијата во која работам. Многубројните вежби, реалниот проект и времето посветено на учење ги дадоа своите резултати, и денес можам самостојно да направам целосна веб апликација.
Која е твојата порака до идните студенти на СЕМОС?
Не се двоумете. Ако имате желба да учите, ако сте упорни и сакате да постигнете резултати, без разлика дали имате претходно познавање, запишете се на JavaScript Академијата. Ако сакате да ја промените кариерата, но не сте сигурни кој правец да го одберете, контактирајте го тимот на Семос. Тие се професионалци кои ќе ве упатат и ќе ви помогнат да го направите вистинскиот избор.
И најважно од сè, не се откажувајте. Без оглед колку тешко и комплицирано изгледа на почетокот, со доволна посветеност ќе успеете да ги совладате сите предизвици. И запомнете, секогаш имате поддршка од тимот на Семос, кој е тука да ви помогне и да ве насочи кон успех.
