Зошто се одлучи за обуката .NET & Azure?
Ги разгледував сите понудени пакети , меѓутоа имајќи предвид дека .NET е една од најбараните технологии на пазарот, а и тоа дека пресметувањето денес најмногу се врши на Cloud сметав дека имам повеќе причини за да се запишам на оваа обука.
Кажи ни нешто за себе. Кој е Христифор?
Јас сум Христифор Сотировски, дипломиран инженер по информатика од Свети Николе. Бидејќи моментално сум невработен и сакам да најдам работа како програмер, поголемиот дел од времето го користам за програмирање. Моментално ја изучувам ASP.NET Core рамката и јазикот JavaScript. Покрај програмирањето, ме интересира и вишата математика, така да мал дел од времето посветувам и на тоа. Во слободно време излегувам, сакам да слушам музика и да гледам филмови.
Три работи што најмногу ти оставија впечаток на обуката?
Најправо ќе дадам пофални зборови за инструкторите Томе, Никола и Јасмина и од гледна точка на нивното знаење и стручност и за убавиот пристап кон слушателите. Исто така, ми се допадна и тоа што обуката се одвиваше онлајн. Воедно, задоволен сум и од целиот тим на Семос Едукација со кој соработував за време на обуката.
Што би им препорачал на идните студенти на Семос Едукација?
На идните студенти во Семос Едукација би им препорачал навремено да ги изработуваат домашните задачи, да поставуваат прашања за време на предавањата и отворено да разговараат со инструкторите. Придобивката во знаење на тој начин е неизбежна.
