Кажи ни нешто за себе. Која е Ивана?
Мајка на Тихон и Анастасија.
Магистер по меѓународни односи.
Љубопитна.
Личност која сака предизвици, секогаш подготвена да научи нешто ново и поинакво.
Посветена.
Комуникативна.
Отворена и искрена.
Зошто се одлучи за обуката за Software Tester?
Работејќи на проект во маркетинг секторот во компанијата за која што имав можност да работам во Обединетите Арапски Емирати, имено изработка на нови веб страници, во разговор со проект менаџерот на IT тимот и по негова препорака дека мојот профил со сигурност би одговарал на професијата, ја разбуди мојата љубопитност за Software Тesting.
Она во што се пронајдов е просторот на отворената комуникација меѓу тимовите, преговарањето и решавањето на проблеми со исклучително внимание кон деталите, каде ништо не е оставено на случајност, сѐ е подеднакво важно и истовремено секој е воден од стремежот нештата да се завршат беспрекорно до продукт или резултат - ништо помалку од совршен.
Кој беше најинтересниот и омилен дел од наставата?
Целата настава беше интересна и динамична. Овде, би се заблагодарила до сите тренери кои ја направија таква. Како најинтересни би ги издвоила предавањата од делот на Exploratory testing, Agile и SCRUM. Со задоволство се вклучував во дискусиите и особено важни за мене се споделените искуства од тренерите и учесниците.
Каде се гледаш себеси во иднина?
Во иднина би сакала и силно се стремам кон тоа да го работам тоа што го сакам и да го сакам тоа што го работам.
