Кажи ни нешто за себе, која е Марина и како започна твојата СЕМОС приказна?
Долго време размислував за промена во мојата кариера и активно барав нови можности кои ќе ги поврзат моите интереси и страсти. Така наидов на програмирањето, а посебно на JavaScript, кое веднаш ми го привлече вниманието. Семос го препознав како идеално место за транзиција во нова кариера. Структурираниот пристап на академијата и поддржувачката околина беа вистинскиот поттик за мене да започнам со оваа промена. Мојата Семос приказна започна кога почувствував дека сакам да се надградувам професионално и барав место каде што ќе ги стекнам неопходните вештини за да станам програмер. Одлучив дека JavaScript академијата е вистинскиот пат, бидејќи знаев дека JavaScript е клучен јазик за веб развој, што ќе ми отвори многу врати во кариерата.
Што најмногу ти остави впечаток од JavaScript академијата?
Најмногу ми остави впечаток начинот на кој академијата ги комбинираше теоретските знаења со практичната примена. Имав можност да работам на реални проекти кои ме научија како да размислувам како програмер и како да ги применувам научените концепти во решавање на конкретни проблеми. Ова искуство ми овозможи да стекнам самодоверба во моите вештини. Исто така, поддршката од инструкторите, кои секогаш беа тука за да одговорат на прашања и да дадат насоки, како и колегијалната атмосфера ме мотивираа уште повеќе да напредувам.
Колку академијата ти помогна во твоето професионално развивање?
Академијата ми помогна многу во моето професионално развивање. Освен техничките вештини кои ги стекнав, како JavaScript, React.js, и Node.js, академијата ми помогна да ја изградам и самодовербата потребна за да се соочам со реални предизвици во програмирањето. Преку решавање на конкретни проблеми и критичко размислување, стекнав солидни практични вештини. Исто така, научив да работам во тим, што ме направи многу поподготвена и сигурна за влез во ИТ индустријата.
Која е твојата порака до идните студенти на СЕМОС?
Мојата порака до идните студенти е да бидат упорни и посветени. Академијата нуди одлични можности за учење, но успехот зависи од вас. Важно е постојано да учите, да прашувате и да бидете отворени за нови предизвици. Секоја задача и проект ќе ве направат подобри и поефикасни. Со труд и решителност, академијата ќе ви биде првиот чекор кон успешна кариера во програмирањето.
