Стефана е една од младите и талентирани студентки на Академијата за Графички Дизајн на Семос. Во ова интервју, таа ја споделува својата приказна, своите искуства во академијата и како ова образование ја обликувало нејзината иднина.
Кажи ни нешто за себе, која е Стефана и како започна твојата СЕМОС приказна?
Здраво, јас сум Стефана, имам 22 години и студирам како графички инженер на техничкиот факултет во Битола. Љубовта кон уметноста ја негувам од најмала возраст – обожавам да цртам, слушам музика и да гледам анимирани филмови, што е и една од причините зошто решив да се насочам кон графичкиот дизајн. Моето патување со Семос започна со желбата да ги унапредам своите креативни вештини и да стекнам нови знаења во оваа област. Академијата за Графички Дизајн беше совршената можност за мене да ги комбинирам моите интереси и да ја започнам кариерата во дизајнот.
Што најмногу ти остави впечаток од Академијата за Графички Дизајн?
Една од работите што најмногу ми остави впечаток беше разновидноста на предметите што ги покрива програмата. Секој предмет беше дизајниран така што нè водеше чекор по чекор низ различните аспекти на графичкиот дизајн. Покрај тоа, пријатниот однос на професорите кон студентите беше клучен елемент во моето искуство. Тие секогаш беа подготвени да помогнат и да ни дадат насоки, што го направи процесот на учење уште попријатен и мотивациски.
Колку академијата ти помогна во твоето професионално развивање?
Академијата ми помогна да развијам работни навики и да научам како правилно да го менаџирам своето време. Како студентка која истовремено следи редовни студии, управувањето со времето беше клучно за успешно завршување на сите обврски. Академијата ме научи како да бидам поорганизирана и како да го искористам секој момент на продуктивен начин, што се покажа како многу корисно и во професионалниот живот.
Која е твојата порака до идните студенти на СЕМОС?
Мојата порака до сите идни студенти е да веруваат во своите идеи. Креативноста и упорноста се клучни за да ги претворите вашите визии во реалност. Не плашете се да го следите својот пат и да ги остварите своите соништа. Со поддршката од Семос и вашата посветеност, сè е можно!
