Кажи ни нешто за себе, кој е Виктор и како започна твојата СЕМОС приказна?
За себе можам кратко да кажам дека сакам да решавам различни проблеми и предизвици и дека меѓу другото сум доживотно посветен на развој и учење. Во однос на Семос приказната, таа започна уште во моето рано детство, во периодот кога го појдов во основно училиште, кога воедно го почнав и мојот прв компјутерски курс. Оттогаш завршив најразлични курсеви и академии, а моето најскорешно надоградување во IT областа е Академијата за Вештачка интелигенција (CAIP), токму во Семос.
Што најмногу ти остави впечаток од академијата за Вештачка интелигенција?
Комбинацијата од несебичната посветеност на менторите да го пренесат своето обемно знаење и долгогодишно практично искуство, заедно со флексибилниот и иновативен концепт на програмата кој беше внимателно прилагоден за да одговори на потребите и амбициите на секој учесник, овозможи постојан напредок и усовршување на вештините во текот на обуката. Овој процес кулминираше со завршниот модул, кој подразбираше работа на реален проект под директно менторство и насочување, што претставуваше вистинска круна на целокупното патување и развој во рамките на програмата наречена CAIP, оставајќи длабок впечаток и подготовка за идните професионални предизвици.
Колку Академијата ти помогна во твоето професионално развивање?
Академијата ја сметам само како прв чекор на овој долг пат кон постојан развој. Во денешниот свет, сè е поврзано со AI, машинско и длабоко учење, а брзиот напредок во овие области постојано ги поместува границите на она што е можно. Моето претходно искуство, како во ИТ така и надвор од него, заедно со моето формално и неформално образование, ми даваат вештини и знаења кои не само што ме оспособуваат да се справам со секој работен предизвик, туку и да допринесам со иновативни решенија. Во моментов активно барам нова можност која ќе ми овозможи да ги искористам моите способности и да продолжам со професионалниот раст.
Која е твојата порака до идните студенти на СЕМОС?
Семос нуди одличен начин за професионална надоградба преку богат избор на курсеви и академии, кои се прилагодени на потребите на различни професионални профили. Покрај тоа, на располагање ви е можноста за консултации со експерти, доколку ви е потребна помош во донесувањето на најдобрата одлука за вашата кариера. Со Семос, изборот е ваш – и секогаш поддржан со експертски совети и водство.
