Блог

Се одлучив за обуката за Python Developer најмногу поради моето знаeње стекнато на Факултетот за електротехника и информациски технологии, што ми овозможи цврста основа во поглед на логичкото размислување кога доаѓа до програмски јазик како Python. Мојата мотивација секогаш била желбата за постојано учење и откривање нови работи, како и стремежот за проширување на моето знаење и остварување на мојот потенцијал, посебно во областа на технологијата за која што од мали нозе сум била љубопитна. Python, како програмски јазик е неверојатно распространет и широко користен во различни области кои ме интересираат, како што web development што стартно го нуди оваа обука, но исто така и во области како анализа на податоци, машинско учење и автоматизација. Сметам дека познавањето на Python ќе ми овозможи поголеми можности во кариерата и ќе ми помогне да ги имплементирам моите идеи на поефективен начин.

Јас сум Викторија, имам 26 години и сум дипломиран инженер по електротехника и информациски технологии од областа електроенергетика и проектен менаџмент со скоро 2-годишно искуство во човечките ресурси. Од мала возраст ме привлекувала математиката и бројките, наоѓањето на решенија за технички и логички предизвици , па сето тоа ме насочи на овај кариерен пат. Би се опишала како личност која е отворена и комуникативна, со желба да остварува нови познанства како и да работи со луѓе, и токму тоа ме доведе до областа и на човечките ресурси. Во слободното време обожавам да патувам и да запознавам нови луѓе, нови култури, откривајќи што се светот има да понуди. Животот го гледам како едно патување на постојано учење и развој, и секогаш се трудам да го извлечам најдоброто од секоја ситуација.

Најпрво би го издвоила Марко, нашиот инструктор за Python модулите кој максимално се посвети да го сподели своето знаење и несебично помагаше и ни одговараше на прашања и вон работно време. Второ, би рекла концептот на цела обука за полесно совладување на целиот материјал, а како трето би го издвоила финалниот модул, или работа на реален проект коj што што на крајот го презентиравме и пред клиенти. Ова искуство ми остави силен впечаток бидејќи ми овозможи да ги применам моите теоретските знаења стекнати во текот на обуката и практично, и да се соочам со предизвиците кои ги носи работењето на мини реален проект. Презентацијата ми ја зајакна самодовербата и ми помогна да го усовршам моето професионално претставување и комуникациски вештини.

На сите идни студенти доколку се желни за знаење и сакаат да го подобрат својот потенцијал, топло им препрепорачувам да се обратат во Семос Едукација зад која што се наоѓа тим на професионалци кои ќе им дадат јасна насока и помош да ја избераат соодветната обука за нив, а потоа ќе бидат проследени кон неверојатни ментори. Позитивно бев изненадена за отвореноста и флексибилноста на тимот во Семос Едукација кои постојано беа отворени за прашања и достапни за сите нас. Обуката е интензивна, но со правилна организација и труд, резултатите ќе бидат одлични. Исто така, да не се плашат да поставуваат прашања и да бараат помош кога е потребно.