Кажи ни нешто за себе. Кој е Златко?
Јас сум Златко Томовски, имам 38 години, од Скопје. Одговорен, исполнителен и максимално посветен на работните задачи до нивното реализирање. Во слободно време сакам да слушам музика, да гледам филм и да шетам во природа со фамилијата.
Зошто се одлучи за обуката за Python Developer?
Се одлучив за модулот Python Developer, бидејќи беше голем предизвик за мене и е еден од најпопуларните програмски јазици ширум светот. Python најмногу се користи во web development, data science, machine learning, game development и AI development. Мене тоа ми влијаеше мотивирачки за подобро усовршување и напредување во таа област. Често сум наидувал на веб страни со технички проблеми кои ме поттикнувале на размилување за решение со кое тоа би било многу подобро направено.
Кој беше најинтересниот и омилен дел од наставата?
Наставата беше одлична со посветени тренери кои беа достапни и отворени за прашања, совети и консултации. Најинтересен и омилен дел ми беше работата со АПИ крајните точки каде што со едноставно барање до тоа АПИ и неколку линии код се добива корисна повратна информација како на пример шега за Чак Норис или некој Коктел со сите негови состојки.
Како завршниот проект ти помага во остварување на твојата цел и преземање на следниот чекор во твојата кариера?
Целото знаење кое го добив во текот на обуката за Python Developer беше ставено во пракса преку финалниот проект. Изработката на Flask веб апликацијата беше навистина голем предизвик и многу ми помогна во учењето како да работам со SQL и MongoDB дата базите, а со тоа дојдов и до повисоко разбирање на работата со реални проекти.
