Зошто ја избра Семос Едукација?
Во моментот кога решив да се впуштам во нова кариерна авантура, знаев дека Семос Академија е вистинското место за тоа. Имав стекнато одредени вештини, но ми беа потребни насоки и надградување на истите за да бидам комплетна за пазарот на трудот. Како една од најстарите и најпрестижни академии на македонскиот пазар, нуди знаење и диплома што се признати насекаде во светот.
Кажи ни нешто за себе. Која е Елена?
Комбинација од енергија и хармонија – обожавам добар предизвик, нови искуства и моменти во природа. Како вистински Лав, носам страст во сè што правам, не се плашам да преземам иницијатива и секогаш целам високо. Ако ме прашаш што ме движи? Љубопитноста, амбицијата и можноста секој ден да бидам подобра верзија од вчера.
Зошто се одлучи за Академијата за Дигитален Маркетинг?
Се одлучив за Академијата за Дигитален Маркетинг затоа што сакав да ги надградам моите вештини и да се соочам со новите предизвици што ги носи кариерната промена. Беше време да ги претолкувам постоечките познавања во нешто пософистицирано, да ги усовршам основите и да развијам визија за иднината која ќе ми овозможи да бидам дел од динамичниот свет на дигиталниот маркетинг – свет полн со неверојатни можности за раст и иновација.
Како изгледа твојот работен ден во Enterprise League? Кој ти е најинтересниот дел од секојдневието таму?
Секој ден е посебна приказна, затоа што дигиталниот маркетинг се менува постојано. Секогаш има нов тренд што сакаш да го искористиш и да го имплементираш во стратегијата за брендот. Планирање на стратегии, толкување на аналитики и оптимизација на кампањи се дел од секојдневието. Најинтересниот дел е кога напорите водат до успех – кога знам дека трудот имал ефект. И, се разбира, моментите на соработка со прекрасниот тим, менторство и размена на идеи се она што го прави секој ден уникатен.
Како ти помага обуката во тоа што го работиш денес?
Обуката ми помогна да ги разберам основите на дигиталниот маркетинг и да ги надградам со практични примери. Ќе го искористам овој момент да ги спомнам моите менторки, двете Наташи и Цветанка, кои ме инспирираа и поддржаа во мојот кариерен развој. Сеуште ги чувам забелешките за Philip Kotler, како и за Mad Max, кои секогаш ми даваат нови перспективи и инспирација. Обуката не само што ми овозможи да ги совладам техниките и стратегиите, туку и да ги применам во реалниот свет, што го прави моето работно секојдневие многу поефективно и фокусирано.
Кои се квалитетите што сметаш дека секој слушател треба да ги има за да биде успешен во идната кариера?
За да биде успешен во идната кариера, секој слушател треба да има неколку клучни квалитети. Првиот е желбата – желбата за учење, развој и постигнување на цели. Второ, жедта за нови искуства и постојано усовршување. И секако, упорноста – не може да чекаме да ни паднат можностите од небо, ако не вложиме труд и не работиме на нив секој ден. Постигнувањето на успехот бара постојан напор и посветеност, а тие квалитети се основа за издржливост во предизвиците што ќе ги сретнеме.
Кое е твоето мото за успех и што би им препорачала на останатите слушатели?
Моето мото за успех е: „Нашето знаење зависи од нас самите, колку повеќе знаемe - толку повеќе можности создаваме!'' Секој од нас има потенцијал да открие нови области на интерес и да се впушти во нови авантури, ако сме подготвени да вложиме труд. Постојаното учење и истражување отвораат нови врати, а успехот се гради со секој нов предизвик.
