Блог

Јас сум дипломиран преведувач од англиски и француски јазик. Се запишав на JavaScript Академијата во Семос Едукација пред една година за да си ја остварам желбата од поодамна за програмирање и влез во ИТ светот.

Се сметам за решителна и упорна личност во остварување на своите цели и соништа. Амбициозна сум и желна за знаење и нови предизвици во животот. Верувам дека со искрена желба за успех, дициплина и упорност може да се постигне сѐ, дури и тоа што е навидум невозможно.

Обожавам да патувам и да истражувам нови места, култури и да пробувам разновидна храна. Уживам во добра книга или добар филм и прошетки во природа кои воедно ми помагаат да одморам и да се мотивирам за навремено и успешно да си ги завршам сите обврски.

• Одлично смислена програма за добивање добра основа за програмирање, развивање логика и корисни совети и насоки за тоа како да се снаоѓаме понатаму како програмери. Погодна дури и за почетници без никакво предзнаење.
• Одлично избрани и целосно посветени предавачи кои се достапни за совети, помош, насоки, објаснувања со реални примери.
• Подготовка за интервју, совети за изработување CV и портфолио за полесно наоѓање пракса или работа.
• Корисни материјали во дигитална и печатена форма, практични вежби и задачи за полесно совладување на технологиите што се учат.
• Мали проекти во текот на Академијата и поголем реален проект за крај кој помага да се утврдат стекнатите вештини и знаења.

• Да размислувам поинаку, подобро и пометодично да им пристапувам на проблемите за решавање.
• Да не ме плаши големината и тежината на некој проект. Секој проблем да се расцепка на помали делови и со добар план и организација да се стигне до посакуваниот резултат.
• Како да користам алатки кои би ми го олесниле програмирањето.
• Од секоја грешка што излегува во конзола можат да се научат нови работи и случајно да се дојде до ново и подобро решение на некој проблем.
• Да се опуштам при презентирање. Во тоа ми помогна презентирањето на домашните задачи и прашањата на часовите кога нешто не беше доволно јасно.

Завршниот проект беше еден прекрасен процес во кој уживав. Си ги повторив речиси сите работи што ги учев на Академијата, а истражив и научив уште многу повеќе и сфатив дека може да се доимплементираат уште работи по избор, настрана од тоа што се бараше. Најголем предизвик, а воедно и наинтересен дел ми беше смислувањето на логиката во backend, а најубаво и најисполнително ми беше чувството кога сама доаѓав до посакуваното решение.

Од успешната изработка и презентација на завршниот проект сфатив дека навистина ми лежи ова, дека сум на добар пат, дека можам да постигнам многу, па едвај чекам да видам што ме очекува следно.

• Прекрасните предавачи, буквално сите до еден. Пофални зборови за сите и огромна благодарност. Одлично си ја вршат работата, достапни се и секогаш отворени за прашања и дискусии, па и за дружење. Со интересните задачи и прашања што ни ги задаваа, секогаш беше забавно и интерактивно на часовите, иако наставата се одвиваше онлајн.
• Пријатната и опуштена атмосфера на часовите.
• Можноста за организирање и дополнителни часови со цел да се дообјаснат некои нејасни работи.